ट्रेण्डिङ

ताजा अपडेट

दोधारा चाँदनी (कञ्चनपुर)। कञ्चनपुरको दोधारा चाँदनी नगरपालिका–४, मालिका टोल निवासी गोपीन दमाई भारतको उत्तराखण्डस्थित उधमसिंह नगरको रमखोला नजिकै सुरई रेञ्जको जंगलमा हिजो बिहान मृत अवस्थामा फेला परेका छन्।

घरबाट निस्किएका दमाईबारे परिवारले आज बिहान मात्रै जानकारी पाएको हो। इलाका प्रहरी कार्यालय दोधारा चाँदनीबाट आफन्तलाई फोन आएपछि उनी भारतको जंगलमा मृत अवस्थामा फेला परेको खबर परिवारले पाएको थियो। भारतीय प्रहरीले शव फेला परेको जानकारीसहित तस्बिर इलाका प्रहरी कार्यालयलाई पठाएको थियो।

भारतीय अधिकारीहरूले बाघको आक्रमणबाट दमाईको मृत्यु भएको बताएको आफन्तले जानकारी दिएका छन्। मृतकको शरीरमा विभिन्न स्थानमा चोटपटक तथा गहिरा घाउका निशानसमेत देखिएका छन्।

घटनाबारे जानकारी पाएपछि मृतकका परिवारका सदस्य र दोधारा चाँदनी नगरपालिका–४ का वडा सदस्य गगनबहादुर सिंह भारतको उधमसिंह नगर पुगेका थिए। उनीहरूले शवको पहिचान गरेपछि आवश्यक प्रक्रिया तथा शव परीक्षण पूरा गरी आज शव घर ल्याएका हुन्।

शव घर ल्याइएको जानकारी मृतकका भाइ राजकुमार दमाईले दिएका छन्। घटनाले मालिका टोलसहित स्थानीय क्षेत्रमा शोक छाएको छ।

प्रतिक्रिया

सम्बन्धित खवर

ताजा समाचार

लोकप्रिय

Dodharachandani Khabar Media dodharachandanikhabar@gmail.com +977 9806487050 +977 9860553567 Dodharachandani Khabar Media dodharachandanikhabar@gmail.com +977 9806487050 +977 9860553567
logo Dodharachandani Khabar Media Pvt. Ltd.

हाम्रो टिम

भूपेन्द्र ओली
संस्थापक तथा सञ्चालक
रक्षा जोशी
सम्पादक
तमान सिंह गुरुङ
समाचार संयोजक
हरिभक्त खत्री
स्ट्रिन्जर
कपिल कुमार ओली
फोटो पत्रकार (क्यामेरापर्सन)
दिपेशराज पाण्डे
संवाददाता
AD
Dodharachandani Khabar Media Pvt. Ltd. मोबाइल: +977 9806487050 / 9860553567 इमेल: dodharachandanikhabar@gmail.com
Copyright © 2026 Dodharachandani Khabar Media Pvt. Ltd. All Rights Reserved.  |  Design and Developed by: Imagine Infotech