विकास पौडेल- भारतको खटिमा स्थित झनकट क्षेत्रमा भएको सवारी दुर्घटनामा नेपाल फर्किरहेका कञ्चनपुरका दुई नेपाली युवकको घटनास्थलमै मृत्यु भएको छ।
मृत्यु हुनेमा दोधारा चाँदनी नगरपालिका–८ निवासी राहुल चदारो र वडा नं. ९ निवासी कमल खड्का रहेका छन्। आफन्तका अनुसार राहुल गुजरातबाट र कमल दिल्लीबाट रोजगारी सकेर घर फर्किरहेका थिए। दिल्लीमा उनीहरूको भेट भएपछि दुवै जना एउटै मोटरसाइकलमा सवार भई नेपालतर्फ आउँदै थिए।
उनीहरू खटिमाको झनकट क्षेत्रमा पुग्दा तीव्र गतिमा आएको एक कारले मोटरसाइकललाई ठक्कर दिएको थियो। दुर्घटनामा दुवै जनालाई गम्भीर चोट लागेको र घटनास्थलमै मृत्यु भएको आफन्तहरूले बताएका छन्।
