३ विद्यालयमा शून्य नतिजा, स्थानीय आक्रोशित

दोधारा चाँदनी नगरपालिकाले कक्षा ८ को वार्षिक परीक्षा नतिजा सार्वजनिक गरेको छ। सार्वजनिक विवरणअनुसार कूल ९१० विद्यार्थीमध्ये ८६८ जना विद्यार्थी परीक्षामा सहभागी भएका थिए, जसमा जम्मा १८५ विद्यार्थी मात्र उत्तीर्ण भएका छन्। बाँकी ७२५ विद्यार्थी अनुत्तीर्ण भएका छन्।

मुख्य तथ्याङ्क: उत्तीर्ण संख्या: १८५ अनुत्तीर्ण संख्या: ७२५ उत्तीर्ण प्रतिशत: करिब २१.३२% अनुत्तीर्ण प्रतिशत: करिब ७८.६७% शून्य नतिजा (एक जना पनि पास नभएका विद्यालय): ३ वटा नगर क्षेत्रभित्रका ३ वटा विद्यालयमा एक जना पनि विद्यार्थी उत्तीर्ण हुन नसक्नुले नगरकै शिक्षा गुणस्तरप्रति गम्भीर प्रश्न उठाएको छ। यसले विद्यार्थी, अभिभावक र शिक्षकहरूको मनोबलमा समेत नकारात्मक असर पारेको देखिन्छ।

अभिभावकको आक्रोश: “बच्चाहरूले पढेका छन्, तर नतिजा यस्तो आउँछ भने यो व्यवस्थामै समस्या छ। नगरपालिका र विद्यालय दुवैले जवाफ दिनुपर्छ,” — एक स्थानीय अभिभावकको भनाइ।

शिक्षा शाखाको प्रतिक्रिया अझै नआएको यति ठूलो संख्यामा विद्यार्थी अनुत्तीर्ण हुँदा पनि नगरपालिकाले अहिलेसम्म कुनै औपचारिक धारणा सार्वजनिक गरेको छैन।

स्थानीय समुदायले नगर तहको मौनता प्रति असन्तुष्टि जनाएका छन्। शिक्षा क्षेत्र सुधारका लागि स्थानीय तह र विद्यालय व्यवस्थापन समितिबीच चाँडै समन्वय हुनुपर्ने आवाज उठ्न थालेको छ।