दोधारा चाँदनी- दोधारा चाँदनीमा पछिल्ला वर्षहरूमा देखिएको पूर्वाधार विस्तार र संरचनागत परिवर्तनबारे विपक्षी दलका एक वरिष्ठ नेताले विस्तृत धारणा सार्वजनिक गरेका छन्। उनका अनुसार यहाँ भएका प्रमुख विकास योजनामा सिंगो नेपाली कांग्रेस को नीतिगत पहल, निरन्तर दबाब र समन्वय मुख्य कारण रहेको छ।
उनले विशेष गरी रमेश लेखक को सक्रिय भूमिकाको उल्लेख गर्दै भने, “नेतृत्व महत्त्वपूर्ण हुन्छ, तर त्यो नेतृत्वलाई सफल बनाउने शक्ति सिंगो पार्टी र कार्यकर्ताको हो।” उनका अनुसार दोधारा चाँदनीलाई देशसँग स्थायी रूपमा जोड्ने झोलुङ्गे पुल केवल भौतिक संरचना होइन, ऐतिहासिक उपलब्धि हो।
त्यसैगरी महाकाली नदी माथि निर्माणाधीन चार लेनको पक्की पुलले सीमावर्ती क्षेत्रको व्यापार, आवागमन र आर्थिक गतिविधिमा दीर्घकालीन प्रभाव पार्ने विश्वास उनले व्यक्त गरे।
देशकै गौरवका रूपमा अघि बढाइएको दोधारा चाँदनी सुक्खा बन्दरगाह परियोजनालाई उनले भविष्यको आर्थिक आधारस्तम्भका रूपमा चित्रण गरे। उनका अनुसार सुक्खा बन्दरगाह सञ्चालनमा आएपछि रोजगारी, स्थानीय उत्पादनको बजार विस्तार र समग्र आर्थिक चलायमानतामा उल्लेखनीय सुधार आउनेछ।
यद्यपि उनले नाम गोप्य राख्ने सर्तमा जनप्रतिनिधिसँग पहुँचको विषय पनि उठाए। “उहाँ गृहमन्त्री हुँदा भेट्न गाह्रो थिएन, तर हाम्रा नेता सांसद हुँदा भेटघाटका लागि कठिन भएको अनुभव सुनाए,” उनले भने। यसले जनप्रतिनिधि र सर्वसाधारणबीचको सम्बन्धबारे प्रश्न उठाएको उनको संकेत थियो।
चुनाव नजिकिँदै जाँदा विकासको श्रेयलाई लिएर राजनीतिक दलहरूबीच बहस चर्किएको छ, सामान्यतः यस्तो समयमा हरेक दलले राम्रो काम आफूले नै गरेको दाबी गर्नु स्वाभाविक मानिन्छ।
तर दोधारा चाँदनीको सन्दर्भमा भने यहाँको प्रतिनिधित्व र समन्वयको नेतृत्व मुख्य रूपमा रमेश लेखक ले गरेको दाबी समेत गरे।
उनले थपे, “रमेश लेखकले दोधारा चाँदनीका लागि कति काम गरेका छन्, त्यो त प्रष्ट नै छ। तर मान्छे सय वटा राम्रो काम बिर्सिन्छ, एउटा नराम्रो कामलाई मात्रै समातेर बस्छ।”
अन्त्यमा उनले आफ्नो धारणा स्पष्ट पार्दै भने, “जसले जिते पनि देशकै लागि काम गर्नुपर्छ भन्ने मेरो मान्यता हो। तर यदि राष्ट्रिय स्वतन्त्र पार्टी ले जित्यो भने के हुन्छ भन्नेबारे अहिले केही भन्न सक्दिन।”
उनको अभिव्यक्तिले दोधारा चाँदनीको विकास, राजनीतिक श्रेय र आगामी प्रतिस्पर्धाबारे स्थानीय स्तरमा बहसलाई थप तीव्र बनाएको छ।
