कञ्चनपुर । दोधारा–चाँदनी नगरपालिका–७ कञ्चनभोजका अन्दाजी ३२ वर्षीय राहुल सुनारको भारतको खटिमा शहरमा भएको भयानक मोटरसाइकल दुर्घटनामा परेर मृत्यु भएको छ।
प्राप्त जानकारी अनुसार सुनार हिजो राति करिब ७:३० बजेतिर फुपुको घरमा बस्न जाने क्रममा दुर्घटनामा परेका हुन्। दुर्घटना यति भीषण थियो कि उनको घटनास्थलमै मृत्यु भएको जनाइएको छ। उनी घरबाट खटिमा फुपुको घरतर्फ जाँदै गर्दा दुर्घटनामा परेका थिए।
दुर्घटनाबारे परिवारलाई भने आज बिहान मात्रै जानकारी भएको बताइएको छ। घटनाले परिवार, आफन्त र स्थानीय समुदायलाई शोकमा डुबाएको छ।
सुनार सवार मोटरसाइकल भारतीय नम्बर प्लेट UK06 YO515 रहेको उल्लेख गरिएको छ। दुर्घटनाको विस्तृत कारणबारे थप अनुसन्धान भइरहेको जनाइएको छ।
