दोधारा चाँदनी । दिपावलीको उल्लासमय अवसरमा दोधारा चाँदनी नगरपालिकामा “७–ए साइड खुल्ला फुटबल कप २०८२” प्रतियोगिताको मंगलबार भव्य उद्घाटन गरिएको छ।
प्रतिभा युवा क्लबको आयोजनामा सुरु भएको उक्त प्रतियोगिताको उद्घाटन दोधारा चाँदनी नगरपालिकाका प्रमुख किशोर कुमार लिम्बूले गरेका हुन्।
आयोजक क्लबका अध्यक्ष सन्दीप काजी बस्नेतका अनुसार प्रतियोगितामा १४ टिमको सहभागिता रहेको छ। खेल दोधारा चाँदनी नगरपालिका–९ स्थित अम्बिका माध्यमिक विद्यालयको खेलमैदानमा सञ्चालन भइरहेको छ।
उद्घाटन खेल केबिन कम्युनिकेशन र साह अटो सर्भिसबीच भएको थियो।
प्रतियोगितामा विजेता टिमले नगद रु. ५१ हजार १११ सहित ट्रफी र प्रमाणपत्र प्राप्त गर्नेछ भने उपविजेताले नगद रु. २५ हजार ५५५ सहित ट्रफी र प्रमाणपत्र पाउनेछन्।
असोज २८ गते मंगलबारदेखि सुरु भएको प्रतियोगिता मंसिर ३ गतेसम्म सञ्चालन हुने आयोजकले जनाएको छ।
