बिकाश पौडेल- कञ्चनपुरको दोधारा चाँदनी नगरपालिका–७ बुद्धनगरमा मोटरसाइकल र स्कुटी एकआपसमा ठोक्किँदा दुई जना घाइते भएका छन्।
दोधारा चाँदनी–७ कञ्चनभोज निवासी २६ वर्षीय सोनु सुनारले चलाएको भारतीय नम्बरको मोटरसाइकल (UK06A 06463) र दोधारा चाँदनी–८ निवासी २५ वर्षीय राम कुमार खड्काले चलाएको स्कुटी (UK06AE 2967) एकआपसमा ठोक्किँदा दुर्घटना भएको हो।
दुर्घटनामा स्कुटीमा सवार दोधारा चाँदनी–८ निवासी १८ वर्षीय अबिसेक सुनार घाइते भएका छन्। उनको टाउको र खुट्टामा चोट लागेको बताइएको छ। साथै स्कुटी चालक राम कुमार खड्का पनि घाइते भएका छन्।
दुवै घाइतेको उपचार दोधारा चाँदनी नगर अस्पतालमा भइरहेको छ। मोटरसाइकल चालक सोनु सुनार भने सामान्य रहेको जनाइएको छ।
