दोधारा- दोधारा चाँदनीका व्यवसायी राजेन्द्र भण्डारीले सामाजिक सञ्जालमार्फत आफूविरुद्ध भइरहेको व्यवहारप्रति असन्तुष्टि जनाएका छन्। उनले आफ्नो सरल स्वभावलाई कमजोरी ठानिएको भन्दै केही व्यक्तिहरूले त्यसको फाइदा उठाएको संकेत गरेका छन्।
“म चुप रहेँ, त्यसलाई मेरो कमजोरी ठानियो,” उनले उल्लेख गरेका छन्। भण्डारीका अनुसार आफूले सधैं सबैको भलो सोच्दा पनि उल्टै नकारात्मक व्यवहार भोग्नुपरेको छ।
उनले अब चुप नबस्ने संकेत दिँदै गलत गर्नेहरू आफैं परिणाम भोग्नुपर्ने चेतावनी दिएका छन्। “म नरम छु, कमजोर होइन,” उनले लेखेका छन्।
यद्यपि, उनले कसलाई र किन लक्षित गर्दै यस्तो चेतावनी दिएका हुन् भन्ने विषय भने खुल्न सकेको छैन।
यस अभिव्यक्तिले दोधारा चाँदनीमा व्यवसायिक सम्बन्ध र वातावरणबारे थप चासो उत्पन्न गरेको छ।
