दोधारा चाँदनी-दोधारा चाँदनी नगरपालिका–६ मा अटो र मोटरसाइकल एकआपसमा ठोक्किँदा दुईजना घाइते भएका छन्।
नगरपालिका–६ कालाघाटका अन्दाजी ३२ वर्षीय दिलिप सुनारले चलाएको म१प ८६६ नम्बरको अटो र नगरपालिका–८ बझाङ्गी टोलका ५६ वर्षीय गंगाराम रोकायाले चलाएको म२प ४८८७ नम्बरको मोटरसाइकल ठोक्किँदा दुर्घटना भएको हो।
दुर्घटनामा अटो चालक दिलिप सुनारको बाँया हात र छातीमा चोट लागेको प्रहरीले जनाएको छ। सोही मोटरसाइकलमा पछाडि सवार ५२ वर्षीय रामलाल रोकायाको बाँया काँध र खुट्टामा चोट लागेको छ।
घाइते रामलाल रोकायालाई थप उपचारका लागि भारत लगिएको जनाइएको छ। घटनाबारे थप अनुसन्धान भइरहेको प्रहरीको भनाइ छ।
