दोधारा चाँदनी । ६१ औं बाल दिवसको अवसरमा लागुऔषध नियन्त्रणसम्बन्धी जनचेतनामूलक कार्यक्रम अम्बिका माविमा सम्पन्न भएको छ । प्रकाश सुनार (मुसा भाइ) को नेतृत्वमा आयोजित उक्त कार्यक्रममा १८ वर्षभन्दा कम उमेरका बालबालिकाहरुलाई धूम्रपान तथा मद्यपान जस्ता पदार्थ नदिन आग्रह गरिएको थियो ।
अम्बिकामा अध्ययनरत विद्यार्थीहरूले जनचेतनामूलक प्ले–कार्ड बोकेर कालिका हाट बजार क्षेत्रमा रहेका विभिन्न पसल तथा व्यवसायीलाई १८ वर्षभन्दा कम उमेरका बालबालिकालाई मदिरा, चुरोट तथा यस्तै किसिमका पदार्थ नबेच्न र नदिन अनुरोध गरेका थिए ।
कार्यक्रममा दिलबहादुर रावत, विकास पौडेल, डेविट क्षेत्री र जीवन धामीले सहयोग गरेका थिए ।
