दोधारा चाँदनी, असार १५
आज बिहान ८ बजेको मौसम पूर्वानुमान बुलेटिन अनुसार कञ्चनपुरको दोधारा चाँदनी नगरपालिका तथा वरपरका क्षेत्रमा भारीदेखि धेरै भारी वर्षा हुने सम्भावना रहेको मौसम पूर्वानुमान महाशाखाले जनाएको छ।

पछिल्लो तथ्यांक र पूर्वानुमान अनुसार वर्षा निरन्तर जारी रहने देखिएकाले महाकाली नदी तटीय क्षेत्रहरूमा डुबानको जोखिम रहेको बताइएको छ। यस्तो अवस्थामा नदी आसपास तथा होचा भू-भागमा बसोबास गर्ने स्थानीयवासीहरूलाई उच्च सतर्कता अपनाउन अनुरोध गरिएको छ।

सतर्कताका लागि हामिले मोबाइलमार्फत SMS पठाएका छौं, दोधारा चाँदनी नगरपालिका विपद् शाखा प्रमुख अमृत बिकले जानकारी दिए।

नगरपालिकाले सबै नागरिकलाई सम्भावित विपद्‌को पूर्व तयारी गर्न, सुरक्षित स्थानमा सरि बस्न र आधिकारिक सूचना र निर्देशनको पालना गर्न अनुरोध गरेको छ।

The post दोधारा चाँदनीमा विपद् जोखिम बढ्दा मोबाइलमार्फत सूचना प्रसारण first appeared on Dodhara Chandani khabar.

दोधारा चाँदनी वडा नं. ४ को कार्यालय भवन उद्घाटनकञ्चनपुर — दोधारा चाँदनी नगरपालिका वडा नं. ४ को नयाँ कार्यालय भवनको उद्घाटन गरिएको छ। नगरप्रमुख किशोर कुमार लिम्बु र नगर उपप्रमुख गंगादेवी जोशीले संयुक्त रूपमा शिलालेख अनावरण गर्दै रिबन काटेर भवनको उद्घाटन गर्नुभएको हो।

चार कट्ठा क्षेत्रफलमा निर्माण गरिएको सो भवनको उद्घाटन समारोहमा विभिन्न विशिष्ट व्यक्तिहरूको उपस्थिति रहेको थियो। कार्यक्रममा वडा नं. ४ का निवर्तमान जनप्रतिनिधिहरू—पूर्व मेयर वीरबहादुर सुनार, पूर्व उपमेयर चिनेगिरी ओझा, विपद् व्यवस्थापन प्रमुख रघु सिंह नाथ, तथा वडा सदस्यहरू रतन पौडेल, भीमबहादुर सिंह, सेतुदेवी ओड, कमला बोहरा लगायतलाई सम्मान गरिएको थियो। साथै, ८ जना महिला स्वयंसेवकसहित जम्मा १५ जनालाई सम्मान गरिएको थियो।

उद्घाटन कार्यक्रममा नगरप्रमुख लिम्बु, उपप्रमुख जोशी, र वडा अध्यक्ष भक्तबहादुर सुनारले शुभकामना मन्तव्य व्यक्त गर्नुभएको थियो। कार्यक्रम वडा अध्यक्ष भक्तबहादुर सुनारको अध्यक्षतामा सम्पन्न भएको थियो भने स्वागत मन्तव्य वडा सदस्यले राख्नुभएको थियो। कार्यक्रमको सञ्चालन वडा सचिवले गर्नुभएको थियो।

The post दोधारा चाँदनी वडा नं. ४ को कार्यालय भवन उद्घाटन first appeared on Dodhara Chandani khabar.

दोधारा चाँदनी, काठमाडाैं — नेपाल शिक्षक महासंघ केन्द्रीय आन्दोलन समितिको आह्वानमा मुलुकभर जारी शिक्षकमैत्री आन्दोलन अन्तर्गत दोधारा चाँदनी नगर क्षेत्रका २२ जना शिक्षक तथा कर्मचारी काठमाडौं केन्द्रित अनिश्चितकालीन सडक आन्दोलनमा सहभागी भएका छन्।

नगरका विभिन्न सामुदायिक विद्यालयहरूबाट सहभागी शिक्षकहरू महासंघका अध्यक्ष उदय रावतको नेतृत्वमा चैत १९ गते काठमाडौं प्रस्थान गरी आन्दोलनमा नियमित र सक्रिय भूमिका खेलिरहेका छन्।

शिक्षकहरूले उठाएका मुख्य मागहरूमा निम्न विषयहरू प्रमुख छन्:
संविधानको मर्मअनुसार गुणस्तरीय शिक्षा सुनिश्चित गर्ने
शिक्षा क्षेत्रको दिगो विकास गर्ने नीति निर्माण
पुरानो शिक्षा ऐन २०२८ को स्थानमा नयाँ विद्यालय शिक्षा ऐन तुरुन्त जारी गर्ने

शिक्षक महासंघले सरकारलाई पटक–पटक आग्रह गरे पनि माग सम्बोधनमा ढिलासुस्ती भएकाले देशभर आन्दोलन चर्किएको छ। आन्दोलनमा सहभागी शिक्षकहरू काठमाडौंमा विविध कार्यक्रम, जुलुस तथा धर्ना प्रदर्शनमा जुटिरहेका छन्।

स्थानीय तहका शिक्षक, अभिभावक तथा सरोकारवालाहरूले पनि शीघ्र समाधानको माग गर्दै दुबै पक्षलाई संवाद र सहकार्यको मार्ग लिन आग्रह गरेका छन् ।

The post दोधारा चाँदनीबाट २२ जना शिक्षक काठमाडौं केन्द्रित आन्दोलनमा सहभागी first appeared on Dodhara Chandani khabar.

कञ्चनपुर — दोधारा चाँदनी नगरपालिका वडा नं. १ को नव निर्मित वडा कार्यालय भवनको उद्घाटन समारोह २०८१ साल चैत्र २४ गते, आईतवारका दिन सम्पन्न भएको छ। नगरप्रमुख किशोर कुमार लिम्बुले शिलालेख अनावरण तथा रिबन काट्दै औपचारिक रूपमा भवन उद्घाटन गर्नुभयो।

उक्त कार्यालय भवन दुई कट्ठा क्षेत्रफलको जग्गामा निर्माण गरिएको हो। उद्घाटन समारोहमा वडा नं. १ अन्तर्गत होटल व्यवसाय, निर्माण व्यवसाय, स्वयंसेवी , खेलकुद क्षेत्र, साथै विद्यालय तथा स्वास्थ्य इकाइका लागि नि:शुल्क रूपमा जग्गा प्रदान गर्ने १२ जना योगदानदातालाई विशेष सम्मान गरिएको थियो।
उद्घाटन कार्यक्रममा नगरप्रमुख लिम्बुसहित वडा नं. ५ का वडा अध्यक्ष लगायतले शुभकामना मन्तव्य राख्नुभएको थियो।

कार्यक्रम वडा अध्यक्ष विक्रम बहादुर चन्दको अध्यक्षतामा सम्पन्न भएको थियो भने वडाका कर्मचारीले स्वागत मन्तव्य व्यक्त गर्नुभएको थियो। कार्यक्रमको सञ्चालन वडा सचिव सरस्वती भट्ट मिश्रले गर्नुभएको थियो।

The post दोधारा चाँदनी १ वडा कार्यालय भवनको उद्घाटन सम्पन्न first appeared on Dodhara Chandani khabar.

दोधारा चाँदनी नगरपालिका वडा नं १ का वडा अध्यक्ष विक्रम चन्द को पहलमा महाकाली आदर्श माध्यमिक विद्यालय मा पुस्तकालय सञ्चालनमा ल्याइएको छ। विद्यार्थीहरूलाई गुणस्तरीय अध्ययन वातावरण उपलब्ध गराउने उद्देश्यले स्थापना गरिएको यस पुस्तकालयले शिक्षाको स्तर उकास्न महत्वपूर्ण भूमिका खेल्ने विश्वास गरिएको छ।

वडा अध्यक्ष चन्द ले पुस्तकालय समंचालन आएपछि विद्यार्थीहरूलाई अध्ययनमा प्रेरित गर्दै उनीहरूको उज्जवल भविष्य निर्माणमा मद्दत गर्नेछ।” विद्यालयका शिक्षकले वडा अध्यक्ष विक्रम चन्द को यस महत्वपूर्ण पहलको प्रशंसा गर्दै पुस्तकालयलाई निरन्तर स्तरोन्नति गर्दै लैजान आवश्यक रहेको बताए। स्थानीय अभिभावक तथा विद्यार्थीहरूले पनि पुस्तकालय स्थापना प्रति खुसी व्यक्त गर्दै यसबाट पढ्ने संस्कारलाई प्रवर्द्धन गर्न मद्दत पुग्ने विश्वास व्यक्त गरे।

वडाले भविष्यमा पुस्तकालयलाई थप आधुनिक प्रविधिसहित डिजिटल शिक्षण केन्द्र को रूपमा विस्तार गर्ने योजना बनाएको छ।

The post वडा अध्यक्ष विक्रम चन्दको पहलमा महाकाली आदर्श माध्यमिक विद्यालयमा पुस्तकालय सञ्चालन दोधारा चाँदनी first appeared on Dodhara Chandani khabar.

काठमाडौंको मुलपानीस्थित ग्रीन हिल सिटीमा एकजनालाई एउटा कुकुरले टोकेपछि सम्पूर्ण कुकुरलाई अन्तै लगेर छाडिएको छ । त्यहाँ बसोबास गर्ने एक महिलालाई कुकुरले टोकेको भन्दै गाडीमा राखेर २० हाराहारी कुकुरलाई अन्तै लगेर फालिएको स्थानीयको भनाइ छ।

पशुअधिकारकर्मीहरू कुकुरको अवस्थाबारे बुझ्न जाँदा ग्रीन हिल सिटी समितिका व्यक्ति तथा त्यहाँ बस्नेहरूले तथानाम गाली गर्दै हातपात समेत गरेको सृजना ठकुरीले बताइन् । ‘हामीले त कुकुर कहाँ लगेर फ्यालिएको हो ? उनीहरू मारिएका छन् वा जीवितै छन् ? भनेर सोधीखोजी गर्न गएका थियौं’ ठकुरी भन्छिन्, ‘ती अवोध कुकुरहरूको बिजोग नहोस् र अलपत्र नपरुन भनेर मात्र हामीले सरोकार राखेका हौं तर उनीहरूले हामीलाई उल्टै दुर्व्यवहार गरे ।

सृजना ठकुरी वर्षौंदेखि अलपत्र सडक कुकुरको स्यहारसुसार गर्दै आइरहेकी छिन् । उनले छुटै आश्रयस्थल बनाएर घाइते र बेवारिसे कुकुरहरूलाई खानपिन र औषधिउपचार गराउने काम गर्छिन् । उनका अनुसार ग्रीनहिल सिटी आसपासमा रहेका दर्जनौं कुकुरलाई कतै लगिएर छाडिएको छ । ‘ती कुकुहरू त्यहीँ जन्मिएर, त्यही हुर्किएका हुन् । उनीहरूको पनि त्यो आफ्नो ठाउँ हो’ ठकुरी भन्छिन्, ‘यदि तिनीहरूले टोक्यो, आक्रमण गर्‍यो भने सम्बन्धित निकायमा गएर व्यवस्थापनको जिम्मा लगाउन सकिन्छ ।

कुनै पनि कुकुर आक्रामक भएको वा बौलाएको अवस्थामा सो कुकुरलाई नियन्त्रणमा लिई उचित व्यवस्थापन गर्ने प्रावधान छ । तर, कुनै कुकुरलाई आक्रमण गर्‍यो भन्दै जथाभावी मार्न, हिर्काउन, लखेट्न पाइँदैन । पशु कल्याण ऐनमा यस्तो कृत्य गर्न नपाइने स्पष्ट उल्लेख छ । त्यसो गरिएको अवस्थामा दण्ड जरिवाना लाग्ने अधिवक्ता पदमबहादुर श्रेष्ठ बताउँछन्। ‘यदि उक्त कुकुर आक्रामक थियो वा बहुलाएको थियो भने पनि हामीले त्यसलाई कहाँ लाने वा के गर्ने भन्नेमा सहजीकरण गरिदिन सक्थ्यौं’ ठकुरी भन्छिन्, ‘तर आफूखुसी मार्न वा कतै लगेर फ्याक्न मिल्दैन । यो अमानवीय काम हो।

एउटा कुकुरले आक्रमण गरेको निहुँमा अरु दर्जनौँ कुकुरलाई उठाएर कतै टाढा जंगलमा फ्याकिएको भन्दै उनले असन्तुष्टि जनाएकी हुन् । ‘अरु कुकुरको के दोष थियो, के उनीहरू बाँच्न पाउँदैनन्, उनीहरूको पनि यो धर्ती होइन सबैकुरा मान्छेले मात्र रजाइँ गर्न पाउने हो र ?’ उनी भन्छिन्, ‘मान्छेले आफूखुसी जे पनि गर्न पाउने छुट त छैन होला।’ प्रहरीमा उजुरी दिने तयारीमा रहेको उनले जानकारी दिइन् । ग्रीनहिल सिटी हाउजिङ समितिका अध्यक्ष र त्यसमा संलग्न महिलालाई यो घटनाको बारेमा जानकारी लिनका लागि अनलाइनखबरले सम्पर्क गर्न खोज्दा उनीहरू उनीहरू सम्पर्कमै आउन चाहेनन् ।

कुकुरको अवस्था बुझ्न जाँदा हातपात भयो पशु अधिकारकर्मी सविना अपगाईँ कगेश्वरी मनोहरा नगरपालिकास्थित मुलपानीमा रहेको ग्रीनहिल सिटीमा वर्षौंदेखि टन्नै कुकुर छन् । त्यहाँको एउटा कुकुरले एक जनालाई टोकेको रहेछ । यही कारणले गर्दा त्यस ग्रीनहिल सिटी हाउजिङ सुधार समितिका अध्यक्ष र एक जना महिला मिलेर कागेश्वरी मनोहरा नगरपालिका पशु शाखालाई त्यो टोक्ने कुकुरबारे जानकारी दिनुभएको रहेछ। त्यो टोक्ने कुकुरसहित त्यहाँ भएको सम्म्पूर्ण कुकुरलाई त्यहाँबाट हटाउन भनिएको रहेछ । पशु शाखाले भने त्यहाँ जन्मेर त्यहीँ हुर्केका कुकुरले त्यहीँ बस्न पाउनुपर्छ । त्यहाँबाट हटाउन मिल्दैन तर टोक्ने कुकुरलाई भने व्यवस्थापन गर्छौ भन्ने प्रतिपक्रिया दिएको रहेछ।

त्यसपछि समितिका अध्यक्ष र ती महिलाले टोक्ने कुकुरलाई रेबिजविरुद्धको खोप लगाउन भनी एक जना भेटलाई बोलाएछन्। कुकुर अलि आक्रमक भएकाले जाली पनि लिएर आउनू भनेछन् । ती भेट आएपछि कुकुरलाई खोप लगाउन होइन समातेर गाडीमा हाल्न लगाएछन् । ती भेटले कुकुरलाई समातेर कहाँ लैजान आटेँको भनेर सोध्दा उनीहरूलाई व्यवस्थित तरिकाले अन्तै सार्न आँटेको भनेछन् । त्यस हाउजिङमा बस्ने मान्छेहरूलाई भने रेबिजको सुई लगाउन लैजान आँटेको भनेर लिएर गएछन् ।

तर, बेलुका कुकुर फर्किएन त्यसपछि त्यहाँका स्थानीयले हामीलाई खबर गरेपछि शनिबार बिहानैबाट हामी कुकुरको खोजी कार्यमा लाग्यौँ तर कुकुरको कुनै पत्तो लागेन । अब समितिको अध्यक्षलाई नै भेटेर कुकुरको बारेमा सोध्ने भनेर हामी केही पशु अधिकारकर्मी त्यहाँ पुग्दा समितिका र त्यहाँ बस्ने व्यक्तिहरूले मुख छाड्दै हामीमाथि हातपात नै गरे । अहिलेसम्म कुकुरलाई कहाँ लगेर छाडिएको छ भनेर पत्ता लागेको छैन । त्यसैले कुकुरहरूलाई फ्याक्नेहरूको विरुद्धमा उजुरी गर्नका लागि हामी बौद्ध चौकी जाँदैछौँ ।

News Source click here

The post मुलपानीमा २ दर्जन कुकुरलाई यातनापूर्वक गाडीमा कोचेर बेपत्ता पारियो first appeared on Dodhara Chandani khabar.

सुदूरपश्चिम प्रदेश सरकारले सेती प्रादेशिक अस्पताललाई केन्द्रीय अस्पताल बनाउने प्रक्रिया अगाडि बढाउन केन्द्रीय सरकारलाई प्रस्ताव गरेको छ । २ सय शैय्या रहेको सो अस्पताललाई तीन सय शैय्यामा स्तरोन्नती गर्न प्रदेश सरकारले प्रधानमन्त्री तथा मन्त्रिपरिषद्लाई पत्राचार गरेको हो ।

प्रधानमन्त्री कार्यालय स्रोतका अनुसार ३ सय शैय्यामा स्तरोन्नती गरी केन्द्रीय अस्पताल बनाउने प्रक्रिया अगाडि बढाउन स्वास्थ्य तथा जनसंख्या मन्त्रालयलाई निर्देशन दिइएको छ । सुदूरपश्चिम प्रदेशको प्रादेशिक रिफरल अस्पतालसमेत रहेको सो अस्पताललाई केन्द्रीय अस्पताल बनाइए सो प्रदेशमा तीन वटा केन्द्रिय अस्पताल रहनेछन् ।

हाल डडेलधुरा अस्पताल र प्रस्तावित गेटा मेडिकल कलेज अस्पताललाई केन्द्रीय अस्पताल मातहतमा नै राखिएको छ । सो अस्पताललाई तीन सय शैय्यामा स्तरोन्नती गर्ने प्रक्रिया अगाडि बढाउने विषयमा मन्त्रालयमा छलफल भइरहेको नीति, योजना तथा अनुगमन महाशाखाका प्रमुख डा।

कृष्ण पौडेलले बताए । तीन सय शैय्या स्तरोन्नती गर्ने प्रस्ताव आएको छ,’ उनले भने ‘छलफलकै चरणमा छ, निर्णय भइसकेको छैन ।

News Source click here

The post सुदूरपश्चिमको रिफरल अस्पताल ३०० शैय्यामा स्तरोन्नति हुँदै, केन्द्रीय अस्पताल बन्ने प्रक्रिया अघि बढ्यो first appeared on Dodhara Chandani khabar.

इरानी राष्ट्रपति मसौद पेजेश्कियनले अमेरिकाका राष्ट्रपति डोनाल्ड ट्रम्पसँग प्रत्यक्ष वार्ता गर्न अस्वीकार गरेका छन्। उनले इरान वार्ताका विपक्षमा नभए पनि अमेरिकासँग सिधै बस्न नचाहने जानकारी दिँदै उनले केवल अप्रत्यक्ष वार्ताका लागि तयार रहेको बताए।

ट्रम्प प्रशासनले तेहरानले सम्झौतामा सहमति नगरे बम आक्रमण र थप आर्थिक नाकाबन्दीको चेतावनी दिएको छ। राष्ट्रपति पेजेश्कियनले मन्त्रिपरिषद् बैठकपछि अमेरिकाले पहिले आफ्नो गल्ती सुधार्नुपर्ने र जबसम्म अमेरिकाले विश्वास जित्न सक्दैन, तबसम्म प्रत्यक्ष वार्ता सम्भव नभएको बताए। इरानले अमेरिकी राष्ट्रपतिको पत्रको जवाफ ओमानमार्फत पठाएर प्रत्यक्ष वार्ताको प्रस्ताव अस्वीकार गरेको जानकारी दिए।

यसैबीच अमेरिकी राष्ट्रपति ट्रम्पले एनबीसीलाई दिएको अन्तर्वार्तामा इरानले सम्झौतामा सहमति जनाएन भने अमेरिकाले बम आक्रमण गर्न सक्ने चेतावनी दिएका छन्। उनले चार वर्षअघिजस्तै फेरि कडा आर्थिक नाकाबन्दी लगाउने चेतावनी पनि दिएका छन्।

विश्लेषकहरूका अनुसार, इरानले ट्रम्पप्रति विश्वास नगर्नु ठीक हो, किनभने उनले २०१५ मा भएको आणविक सम्झौता तोडेका थिए। इरानका सर्वोच्च नेता अयातोल्लाह अली खामेनेईका सल्लाहकार कमाल खराजीले अमेरिकासँग वार्ताका लागि सबै ढोका बन्द नभएको बताए। उनले अप्रत्यक्ष वार्ताबाट इरानले अर्को पक्षको मनसाय बुझ्ने र त्यसपछि उचित निर्णय गर्ने बताए।

संयुक्त राष्ट्रसंघीय अन्तर्राष्ट्रिय आणविक ऊर्जा एजेन्सीका अनुसार इरानले आणविक हतियार बनाउन लागेको छैन, तर ऊसँग आवश्यक आणविक सामग्री भने छ। इरानले आफ्नो आणविक कार्यक्रम शान्तिपूर्ण भएको दाबी गरिरहेको छ। अमेरिकी प्रतिबन्धका कारण इरानी अर्थतन्त्र कमजोर बनेको छ, जसले वार्तालाई अझ महत्त्वपूर्ण बनाएको छ। तर इरानले प्रत्यक्ष वार्ता गर्न असहमति जनाएपछि यो कूटनीतिक समस्या झन् जटिल बनेको छ।

News Source click here

The post अमेरिकासँग प्रत्यक्ष वार्ता गर्न इरानद्वारा अस्वीकार, अप्रत्यक्ष वार्ताका लागि तयार first appeared on Dodhara Chandani khabar.

म्यानचेस्टर सिटी र एस्टोन भिल्लाले अन्तिम चारमा स्थान बनाएसँगै एफए कपको सेमिफाइनल समीकरण पूरा भएको छ। आइतबार राति भएको खेलमा म्याचेष्टर सिटीले बर्नमाउथमाथि २–१ को जित निकाल्दै अन्तिम चारमा स्थान बनाएको हो।

अर्को खेलमा एस्टोन भिल्लाले प्रिस्टोन नर्थ इण्डमाथि ३–० फराकिलो जितका साथ सेमिफाइनलमा स्थान बनाएको छ। सिटीले अब एफए कपको फाइनलमा स्थान बनाउन नटिङ्घम फरेस्टको सामना गर्नेछ। सेमिफाइनल खेल बेम्वेली स्टेडियममा हुनेछ।

फरेस्टले क्वार्टरफाइनलमा ब्राइटनलाई टाइब्रेकरमा ४–३ ले हराएको थियो। फरेस्ट सन् १९९१ पछि पहिलो पटक एफए कपको सेमिफाइनल पुगेको हो। अर्को सेमिफाइनलमा क्रिस्टल प्यालेस र एस्टोन भिल्ला भिड्नेछन्।

क्रिस्टल प्यालेसले क्वार्टरफाइनलमा फुलहामलाई ३–० गोल अन्तरले हराउँदै अन्तिम चारमा पुगेको थियो। अर्को खेलमा प्रिस्टोन नर्थ इण्डमाथि ३–० को फराकिलो जित निकाल्दै एष्टोन भिल्ला एफए कपको सेमिफाइनल पुगेको हो। सेमिफाइनल खेलहरु अप्रिल २६ मा हुनेछ।

News source nepalikhabar.com

The post एफए कपको सेमिफाइनल समीकरण पूरा,  सिटी र एस्टोन भिल्ला अन्तिम चारमा first appeared on Dodhara Chandani khabar.

सुदूरपश्चिमका वनमन्त्री चौधरीले दिए राजीनामा सुदूरपश्चिम प्रदेशका उद्योग पर्यटन वन तथा वातावरण मन्त्री लक्ष्मण किशोर चौधरीले पदबाट राजीनामा दिएका छन् ।

आर्थिक लेनदेनको अडियो सार्वजनिक भएपछि मन्त्री चौधरीले पदबाट राजीनामा दिएका हुन् । नागरिक उन्मुक्ति पार्टीबाट मन्त्री बनेका चौधरीले शनिबार मन्त्रालयमै पत्रकार सम्मेलन आयोजना गर्दै राजीनामा दिएको घोषणा गरेका हुन् ।

मन्त्री चौधरीले दिगो वन व्यवस्थापन सम्बन्धी कार्यविधि आर्थिक लाभ लिनेगरि बनाउने विषयमा छलफल गरेको अडियो सार्वजनिक भएपछि चौधरीले नैतिकताका आधारमा पदमा नबस्ने घोषणा गरेको बताए ।
चौधरीले उक्त अडियो भदौ महिनातिरको भएको बताउँदै केही काठ व्यवसायी र पार्टीका व्यक्ति छलफलमा रहेको खुलाएका छन् ।

अडियोमा सुनिएजस्तो त्यसमा मुख्यमन्त्रीलाई मिलाउने कुरा आफूले नगरेको तर सोध्नुपर्ने कुरा राखेको उनी बताउँछन् ।

प्रदेशका मुख्यमन्त्रीको उक्त प्रकरणमा कुनै संलग्नता नरहेको दाबी समेत गरिएको छ । सार्वजनिक अडियोमा दिगो वन व्यवस्थापन सम्बन्धी कार्यविधि आइतबार पारित गर्ने बताएका मन्त्रीले २५ देखि ३० चाहिने र पाँच जति मुख्यमन्त्रीलाई पनि दिनुपर्ने बताएको सुनिएको छ ।

तर मन्त्री चौधरीले उक्त कार्यविधि अहिलेसम्म पारित नभएको बताए । अडियोमा सार्वजनिक भएको विषयमा आफूले कुनै लेनदेन नगरेको तर वन सम्बन्धी अनुभव नभएका कारण छलफलमा मात्र गरेको दाबी मन्त्री चौधरीको छ ।

उनले आफूमाथि छानबिन गर्न माग गर्दै दोषी देखिए कारबाही भोग्न तयार रहेको बताए ।

The post सुदूरपश्चिमका वनमन्त्री चौधरीले दिए राजीनामा first appeared on Dodhara Chandani khabar.