दोधारा चाँदनी — दोधारा चाँदनी नगरपालिका नगर प्रमुख श्री किशोर कुमार लिम्बूको पहलमा, पेसवान संस्थाको समन्वय तथा दातृ निकाय “ल्याटर डे सेन्ट च्यारीटिज (LDSC)” र च्वाइस नेपालको सहयोगमा दोधारा चाँदनी नगर अस्पताललाई USG (अल्ट्रासाउण्ड) मेसिनसहित अत्यावश्यक मेडिकल उपकरण हस्तान्तरण गरिएको छ।

हस्तान्तरण गरिएको अत्याधुनिक USG मेसिनले अस्पतालको सेवा क्षमतामा उल्लेखनीय सुधार ल्याउने विश्वास गरिएको छ। यसअघि पुरानो प्रविधिको मेसिन प्रयोगका कारण रोग पहिचानमा समस्या हुने गरेकोमा अब नयाँ उपकरणले रोग पत्ता लगाउन मात्र नभई उपचार प्रक्रियामा समेत सहजता ल्याउने अपेक्षा गरिएको छ।

“हामीसँग पहिले पुरानो प्रविधिको मेसिन थियो, त्यसैले रोग पत्ता लगाउन गाह्रो हुन्थ्यो। यो अत्याधुनिक अल्ट्रासाउण्ड मेसिन हो, जसले रोग पत्ता लगाउन मात्र नभई उपचारमा पनि सहयोग गर्नेछ,” डाक्टर हरिओम केसीले बताए।

नगर प्रमुख लिम्बूले सहयोगी संस्थाहरू पेसवान, LDSC र च्वाइस नेपालप्रति धन्यवाद व्यक्त गर्दै यस्ता सहयोगले नगरबासीलाई गुणस्तरीय स्वास्थ्य सेवा पहुँचमा सहजता ल्याउने विश्वास व्यक्त गरे।

उक्त उपकरण हस्तान्तरणसँगै अब स्थानीय बासिन्दाले सामान्य जाँचका लागि बाहिर जानुपर्ने बाध्यता घट्ने र समयमै रोग पहिचान तथा उपचारमा सहयोग पुग्ने अपेक्षा गरिएको छ।— दोधारा चाँदनी नगरपालिका नगर प्रमुख श्री किशोर कुमार लिम्बूको पहलमा, पेसवान संस्थाको समन्वय तथा दातृ निकाय “ल्याटर डे सेन्ट च्यारीटिज (LDSC)” र च्वाइस नेपालको सहयोगमा दोधारा चाँदनी नगर अस्पताललाई USG (अल्ट्रासाउण्ड) मेसिनसहित अत्यावश्यक मेडिकल उपकरण हस्तान्तरण गरिएको छ।

हस्तान्तरण गरिएको अत्याधुनिक USG मेसिनले अस्पतालको सेवा क्षमतामा उल्लेखनीय सुधार ल्याउने विश्वास गरिएको छ। यसअघि पुरानो प्रविधिको मेसिन प्रयोगका कारण रोग पहिचानमा समस्या हुने गरेकोमा अब नयाँ उपकरणले रोग पत्ता लगाउन मात्र नभई उपचार प्रक्रियामा समेत सहजता ल्याउने अपेक्षा गरिएको छ।

“हामीसँग पहिले पुरानो प्रविधिको मेसिन थियो, त्यसैले रोग पत्ता लगाउन गाह्रो हुन्थ्यो। यो अत्याधुनिक अल्ट्रासाउण्ड मेसिन हो, जसले रोग पत्ता लगाउन मात्र नभई उपचारमा पनि सहयोग गर्नेछ,” डाक्टर हरिओम केसीले बताए।

नगर प्रमुख लिम्बूले सहयोगी संस्थाहरू पेसवान, LDSC र च्वाइस नेपालप्रति धन्यवाद व्यक्त गर्दै यस्ता सहयोगले नगरबासीलाई गुणस्तरीय स्वास्थ्य सेवा पहुँचमा सहजता ल्याउने विश्वास व्यक्त गरे।

उक्त उपकरण हस्तान्तरणसँगै अब स्थानीय बासिन्दाले सामान्य जाँचका लागि बाहिर जानुपर्ने बाध्यता घट्ने र समयमै रोग पहिचान तथा उपचारमा सहयोग पुग्ने अपेक्षा गरिएको छ।

The post नगरपालिकाको पहलमा स्वास्थ्य क्षेत्रमा महत्वपूर्ण उपलब्धि first appeared on Dodhara Chandani khabar.

दोधारा चाँदनी- भीमदत्तस्थित महाकाली प्रादेशिक अस्पताल मा उपचार सेवामा लापरवाही भएको समाचार सार्वजनिक भएपछि अस्पतालका कर्मचारीहरूले बिरामीका आफन्तलाई फोन गरेर सोधपुछ गरेको र कल रेकर्डसमेत गरेको आरोप लागेको छ।

बिरामीका आफन्तका अनुसार अस्पतालको सेवा लापरवाहीबारे समाचार बाहिरिएलगत्तै अस्पतालका कर्मचारीहरूले पटक–पटक फोन गरेर घटनाबारे सोधपुछ गरेका थिए। फोनका क्रममा कुराकानी कल रेकर्डसमेत गरिएको उनीहरूको भनाइ छ।

समाचार बाहिरिएपछि अस्पतालका कर्मचारीहरूले बारम्बार फोन गरेर सोधपुछ गरिरहेका छन्, मेरो कलसमेत रेकर्ड गरिएको छ, बिरामीका एक आफन्तले दोधारा चाँदनी खबरसँग बताए।

यसअघि गम्भीर स्वास्थ्य समस्यासहित बिरामीलाई अस्पताल ल्याउँदा समयमै चिकित्सक उपलब्ध नभएको भन्दै आफन्तले गुनासो गरेका थिए। उनका अनुसार शनिबार बिहान करिब ५ बजे हार्ट फेलियर, खुट्टामा सुजन तथा पेट र फोक्सोमा पानी भरिएको अवस्थामा बिरामीलाई अस्पताल ल्याइए पनि करिब २ घण्टासम्म चिकित्सक भेटिएका थिएनन्। सरकारी बिदा भएको भन्दै फिजिसियन सेवा उपलब्ध नभएको र आपतकालीन कक्षमा समेत चिकित्सक नभएको उनीहरूको भनाइ छ।

पछि बाहिर मेडिकलमा बसेका सरकारी चिकित्सकलाई भेटेर सल्लाह लिएपछि सुझाइएका परीक्षणका लागि अस्पतालमै जाँच गराइएको थियो। बिरामीको स्वास्थ्य बिमा हुँदाहुँदै पनि परीक्षण बिमाबाट नहुने भनिएपछि आफन्तले आफ्नै खर्चमा परीक्षण गराएका थिए।

तर परीक्षणपछि रिपोर्ट लिन जाँदा पैसा तिरेर गराइएको जाँचको अधुरो रिपोर्ट मात्र दिइएको आरोप उनीहरूले लगाएका छन्। गुनासो बढेपछि अस्पताल प्रशासनले पछि मात्रै सम्बन्धित कर्मचारीलाई बोलाएर पूर्ण रिपोर्ट प्रिन्ट गरेर उपलब्ध गराएको बताइएको छ।

संयोगवश सोही समयमा कञ्चनपुर निर्वाचन क्षेत्र नम्बर २ बाट विजयी भएका दिपक बोहरा पनि अस्पताल पुगेका थिए। उनले अस्पतालको सेवा अवस्थाबारे जानकारी लिएर फर्किएको बताइएको छ।

यस घटनाले सरकारी अस्पतालको सेवा प्रवाह, बिरामीप्रतिको जिम्मेवारी र प्रशासनिक व्यवस्थापनमाथि गम्भीर प्रश्न उठाएको छ।

The post लापरवाहीको समाचार बाहिरिएपछि अस्पतालको फोन आतंक: बिरामीका आफन्तसँग सोधपुछ, कल रेकर्डसमेत गरेको आरोप first appeared on Dodhara Chandani khabar.

दोधारा चाँदनी- शनिबार बिहान महाकाली प्रादेशिक अस्पतालमा सेवा व्यवस्थापनबारे प्रश्न उठ्ने घटना बाहिर आएको छ। गम्भीर स्वास्थ्य समस्या भएका बिरामीलाई अस्पताल ल्याउँदा घण्टौँसम्म चिकित्सक नपाएको र परीक्षण रिपोर्टसमेत अधुरो दिइएको गुनासो आएको हो।

बिहान करिब ५ बजे हार्ट फेलियर, खुट्टामा सुजन तथा पेट र फोक्सोमा पानी भरिएको अवस्था भएका बिरामीलाई उपचारका लागि अस्पताल ल्याइएको थियो। तर अस्पताल पुगेपछि करिब दुई घण्टासम्म कुनै चिकित्सक भेटिन नसकेको परिवारले जनाएको छ।

सरकारी बिदा परेको भन्दै फिजिसियन उपलब्ध नभएको र इमेर्जेन्सीमा समेत डाक्टर नभएपछि अन्ततः बाहिर मेडिकलमा बसेका एक सरकारी चिकित्सकलाई खोजेर ल्याउनुपरेको उनीहरूको भनाइ छ।

डाक्टरले सिफारिस गरेका परीक्षणका लागि फेरि अस्पताल पुग्दा बिरामीको स्वास्थ्य बिमा हुँदाहुँदै पनि बिमाबाट जाँच नहुने भन्दै आफ्नै खर्चमा परीक्षण गराइएको परिवारले जनाएको छ। तर दुई घण्टापछि रिपोर्ट लिन जाँदा पैसा तिरेर गरिएको जाँचको आधा रिपोर्ट मात्र दिइएको आरोप छ।

रिपोर्टबारे प्रश्न उठाउँदा सम्बन्धित कर्मचारीहरू चिया खाँदै बसेको र “यी जाँच किन गराउनु पर्यो?” भन्दै प्रतिक्रिया दिएको परिवारको दाबी छ। साथै “आज बिदा छ, भोलि आउनु” भन्दै बिरामीको अवस्थालाई गम्भीर रूपमा नलिएको पनि उनीहरूले बताएका छन्।

संयोगवश सोही समयमा कञ्चनपुर क्षेत्र नम्बर–२ बाट विजयी भएका
दिपक बोहरा पनि अस्पताल पुगेका थिए र अस्पतालको अवस्थाबारे जानकारी लिएको बताइएको छ।

परिवारका अनुसार पछि अस्पतालका मेसु (मेडिकल सुपरिटेन्डेन्ट) ले कर्मचारीलाई फोन गरेर बोलाएपछि मात्र बाँकी रिपोर्ट प्रिन्ट गरेर दिइएको थियो।

यस विषयमा अस्पतालका सूचना अधिकारी शान्त प्रसाद जोशीसँग सम्पर्क गर्दा उनले इमेर्जेन्सी सेवामा २४ घण्टा एमबीबीएस डाक्टर उपलब्ध रहने व्यवस्था रहेको बताउँदै परीक्षणको प्रक्रियामा केही त्रुटि भएको हुनसक्ने प्रतिक्रिया दिएका छन्।

घटनापछि सर्वसाधारणले प्रश्न उठाएका छन्
गम्भीर बिरामी लिएर सरकारी अस्पताल पुग्ने नागरिकले सहज सेवा पाउने कि घण्टौँ डाक्टर खोज्दै हिँड्नुपर्ने?

The post पैसा पुरै तिरेर जाँच गर्दा पनि अधुरो रिपोर्ट! महाकाली अस्पतालमाथि गम्भीर प्रश्न first appeared on Dodhara Chandani khabar.

दोधारा चाँदनी, कञ्चनपुर।
दोधारा चाँदनी नगरपालिकाअन्तर्गत सञ्चालनमा रहेको दोधारा चाँदनी अस्पतालमा स्वास्थ्य बीमा सेवा अस्थायी रूपमा बन्द गरिएको छ।
अस्पतालले प्रवाह गर्दै आएको स्वास्थ्य बीमा सेवाबापतको रकम स्वास्थ्य बीमा बोर्डबाट समयमै भुक्तानी नहुँदा अस्पताल गम्भीर आर्थिक समस्यामा परेको अस्पतालका प्रशासन प्रमुख राजु गुरुङले जानकारी दिनुभयो।
उहाँका अनुसार अस्पताल सञ्चालन तथा व्यवस्थापन समितिको मिति २०८२ माघ १५ गतेको निर्णय अनुसार वैकल्पिक व्यवस्था नहुँदासम्मका लागि स्वास्थ्य बीमा सेवाहरू बन्द गर्ने निर्णय गरिएको हो। सो निर्णयअनुसार २०८२ माघ १९ गतेदेखि सीमित सेवाबाहेक सम्पूर्ण स्वास्थ्य बीमा सेवाहरू बन्द गरिएको छ।
स्वास्थ्य बीमामार्फत उपचार गराउँदै आएका सेवाग्राहीहरू यस निर्णयबाट प्रभावित हुने देखिएको छ। प्रशासन प्रमुख गुरुङले स्वास्थ्य बीमा बोर्ड तथा सम्बन्धित निकायसँग समन्वय भइरहेको जनाउँदै समस्या समाधान भए लगत्तै सेवा पुनः सञ्चालन गरिने विश्वास व्यक्त गर्नुभयो।

The post दोधारा चाँदनी अस्पतालमा स्वास्थ्य बीमा सेवा अस्थायी रूपमा बन्द first appeared on Dodhara Chandani khabar.

दोधारा चाँदनी । दोधारा चाँदनी नगरपालिकाका सबै वडामा आँखा उपचार शिविर सञ्चालन हुने भएको छ।

च्यारिटी हेल्थ फाउण्डेशनको सहयोगमा वातावरण संरक्षण तथा समाज कल्याण संघ नेपाल (PESWAN) र धनगढी नेत्रालय प्रा.लि.को संयुक्त आयोजनामा शिविर सञ्चालन गर्न लागिएको हो। मिति २०८२ साल कार्तिक १७ गते भएको सम्झौताअनुसार शिविर कार्तिक १८ गते मंगलबारदेखि २७ गते बिहिबारसम्म सञ्चालन हुने जनाइएको छ।

नगरपालिकाको सहकार्यमा सञ्चालन हुने यस कार्यक्रममा दोधारा चाँदनीका बासिन्दाले आफ्नै वडामा पुगेर आँखा परीक्षण, मोतिबिन्दु रोगको पहिचान तथा आवश्यक परामर्शका सेवा निःशुल्क रुपमा पाउनेछन्।

आयोजकका अनुसार शिविर बिहान ९ बजेदेखि दिउँसो ३ बजेसम्म सञ्चालन हुनेछ। प्रत्येक वडामा वडा कार्यालय परिसरमा उपचार सुविधा उपलब्ध हुनेछ।

शिविर तालिका अनुसार कार्तिक १८ गते वडा नं. ७, १९ गते वडा नं. ९, २० गते वडा नं. १०, २१ गते वडा नं. ८, २२ गते वडा नं. १, २३ गते वडा नं. २, २४ गते २५ गते वडा नं. ३, २६ गते वडा नं. ४, २६ गते वडा नं. ४ र अन्तिम दिन कार्तिक २७ गते वडा नं. ५ मा आँखा उपचार शिविर सञ्चालन गरिनेछ।

नगरपालिकाले सम्पूर्ण नगरवासीलाई तोकिएको मिति र स्थानअनुसार उपस्थित भई स्वास्थ्य लाभ लिन आग्रह गरेको छ।

The post दोधारा चाँदनीका सबै वडामा आँखा उपचार शिविर सञ्चालन हुने first appeared on Dodhara Chandani khabar.

“दोधारा चाँदनीका साँचाकै नायक” भन्दै सामाजिक सञ्जालमा प्रशंसा

भुपेन्द्र ओली। दोधारा चाँदनी नगरपालिका–०६ स्थित Aarogya Medicare and Diagnostic Center मा कार्यरत डा. गगन चौधरीले स्वास्थ्य समस्या र आर्थिक कठिनाइमा परेकाहरूका लागि सहयोगको हात बढाउने घोषणा गरेपछि सामाजिक सञ्जालमा उनलाई शुभेच्छा र प्रशंसा व्यक्त गर्नेहरूको ओइरो लागेको छ।

डा. चौधरीले सामाजिक सञ्जालमार्फत लेखेका थिए “सधैं मैले भोग्ने कुरा, सबैले भन्ने कुरा दोधारा चाँदनीमा स्वास्थ्य समस्या हुँदै गर्दा धेरैको खर्चको समस्या पर्ने रहेछ। म प्राइभेट क्लिनिकमा काम गर्ने भए पनि हजुरहरूलाई स्वास्थ्य समस्या पर्‍यो र हजुरलाई आर्थिक समस्या पर्‍यो भने हजुरहरूले मलाई भन्नु होला। यहाँ स्वार्थ लिने त धेरै छन्, त्यो आफ्नै ठाउँमा होला, तर पीडा भएर बेसहारा कोही हुनुहुन्छ भने मलाई मेरो नम्बर ९८४०१५४१२९ मा कलगर्नुभयोला। मैले सकेसम्म प्रयास गर्नेछु। घाउ निको गर्न नसकेला तर घाउ निको गर्न प्रयास गर्नेछु।”

उनको यो निस्वार्थ भावना र मानवीय सन्देशले दोधारा चाँदनीका बासिन्दामाझ ठूलो प्रभाव पारेको छ। धेरैले उनको सेवाभाव र समर्पणको खुलेर प्रशंसा गरेका छन्।

श्रीनाथ बराल लेख्छन्, “हामीलाई तपाईंप्रति गर्व छ डाक्टर साब। कोभिड महामारीको समयमा तपाईंले गरेको सेवा, सहयोग र मानवीय व्यवहार कहिल्यै बिर्सन सकिँदैन।”
मनोज भट्ट भन्छन्, “स्वार्थ लिनेहरूको भीडमा निस्वार्थ सेवा दिनेहरूलाइ हृदयदेखि धन्यवाद।”
मथुरा पन्त लेख्छिन्, “हृदयदेखि नै नमन डाक्टर साब।”
शान्ति तिवारी भन्छिन्, “जय होस् आदरणीय सर, नमन।”
कृष्णनन्द भट्टका अनुसार, “भनिन्छ, डाक्टर भगवानको अर्को रूप हो, र तपाईंले त्यसलाई अहिलेको समयमा प्रमाणित गर्नुभएको छ।”
रोशनी सुनार लेख्छिन्, “हृदयदेखि नै सम्मान छ हजुरलाई सर, हजुर जस्तो डाक्टर पाउनु दोधारा चाँदनीबासीको लागि सौभाग्य हो।”
अमित बस्नेत भन्छन्, “तपाईं त भगवानको साक्षात् दोस्रो रूप हो डाक्टर साब, धन्यवाद छ।”
त्यस्तै राजेन्द्र मल्ल लेख्छन्, “हृदयदेखि सम्मान गर्दछु डा. साहेब।”

यी प्रतिक्रियाहरूले जनाउँछ  डा. चौधरीप्रति जनताको माया, विश्वास र सम्मान निकै गहिरो छ। कोभिड–१९ महामारीका कठिन दिनदेखि नै उनी समुदायका लागि समर्पित रूपमा सेवा गर्दै आएका छन्।

स्थानीय बासिन्दाहरूका अनुसार, डा. गगन चौधरी केवल चिकित्सक होइनन्, उनी मानवता र सेवाको प्रतीक हुन्।

The post डा. गगन चौधरीको निस्वार्थ सेवाभावप्रति जनताको श्रद्धा first appeared on Dodhara Chandani khabar.

कञ्चनपुर, भाद्र १४ – भारतसँगको सीमा क्षेत्रमा बर्डफ्लु (H5N1) संक्रमणको जोखिम बढेसँगै दोधारा चाँदनी नगरपालिकामा वर्डफ्लु रोग नियन्त्रण तथा प्रतिबन्ध सम्बन्धी एकदिने विशेष सचेतना कार्यक्रम सम्पन्न भएको छ।

भेटेरिनरी अस्पताल तथा पशु सेवा विज्ञ केन्द्र, कञ्चनपुरको आयोजनामा सम्पन्न कार्यक्रममा प्रमुख जिल्ला अधिकारी लक्ष्मण ढकाल, नगर प्रमुख किशोर कुमार लिम्बु, सुरक्षा निकायका प्रमुखहरू, जनप्रतिनिधि तथा कुखुरा व्यवसायीहरूको सहभागिता थियो।

कार्यक्रममा सशस्त्र प्रहरी बल कञ्चनपुर प्रमुख एसपी लोकेन्द्र देव भट्टले भारत–नेपाल सीमाबाट चोरी पैठारी हुने बोइलर कुखुरासम्बन्धी अवैध कारोबारमा संलग्नहरूलाई कडा कारबाही गरिने चेतावनी दिए।

त्यस्तै, प्रमुख जिल्ला अधिकारी ढकालले खुला सीमामा कडाइ र उच्च सुरक्षा सतर्कता अपनाउन निर्देशन दिँदै कुखुरा व्यवसायीहरूलाई सचेत रहन आग्रह गरे।

कार्यक्रममा रोगको लक्षण, संक्रमणको माध्यम, रोकथामका उपाय र नियन्त्रण रणनीतिबारे प्राविधिक जानकारी प्रस्तुत गरिएको थियो। सहभागीहरूले सीमामा निगरानी अझ कडा पार्नुपर्नेमा जोड दिएका थिए।

The post दोधारा चाँदनीमा वर्डफ्लु नियन्त्रण सचेतना, सीमामा निगरानी कडाइको निर्देशन first appeared on Dodhara Chandani khabar.

कञ्चनपुर । भारतको प्रतिष्ठित समाचार संस्था अमर उजाला का अनुसार, उत्तराखण्ड राज्यका बागेश्वर र उधमसिंह नगर जिल्लामा Highly Pathogenic Avian Influenza (H5N1) अर्थात् बर्डफ्लु रोगको संक्रमण पुष्टि भएको छ।

सीमावर्ती क्षेत्र भएकाले यस रोगको जोखिम नेपालमा समेत बढ्ने सम्भावना रहेको विज्ञहरूले चेतावनी दिएका छन्। चोरीछिपी भारतबाट कुखुरा तथा कुखुराजन्य पदार्थ नेपाल भित्रिने सम्भावना रहेकाले विशेष गरी सुदूरपश्चिमका कैलाली र कञ्चनपुर जिल्लाका कुखुरा पालक कृषकहरूलाई सतर्कता अपनाउन पशु सेवा विभागले आग्रह गरेको हो।

पशु सेवा विज्ञका अनुसार H5N1 भाइरस अत्यन्त घातक र छिटो फैलिने खालको हुन्छ। यो रोग मानिसमा समेत सर्न सक्ने भएकाले सार्वजनिक स्वास्थ्यमा गम्भीर असर पार्न सक्छ।

यसै सन्दर्भमा, पशु सेवा विभागले सम्बन्धित जिल्लाका पशु सेवा केन्द्र, स्थानीय तहका पशु शाखा र सुरक्षाकर्मीलाई सीमा क्षेत्रमा निगरानी कडा पार्न, अनधिकृत कुखुरा ओसारपसारमा रोक लगाउन र जोखिम न्यूनीकरणका लागि आवश्यक तयारी गर्न निर्देशन दिएको छ।

The post भारतमा बर्डफ्लु पुष्टि, नेपालमा सतर्कता अपनाउन आग्रह first appeared on Dodhara Chandani khabar.

दोधारा चाँदनी, साउन १
दोधारा चाँदनी नगर अस्पतालमा आइतबार सरसफाइ अभियान सञ्चालन गरिएको छ। अस्पतालमा हालै मात्र नियुक्त भएका प्रशासन प्रमुख राजु गुरुङको नेतृत्वमा सम्पन्न अभियानमा सम्पूर्ण स्वास्थ्यकर्मी, प्रशासनिक कर्मचारी तथा स्थानीय स्वयंसेवकहरूको सक्रिय सहभागिता रहेको थियो।

अभियान अन्तर्गत अस्पतालको आपतकालीन कक्ष, ओपीडी, वार्ड, प्रयोगशाला, फार्मेसीदेखि बाह्य प्रांगणसम्म सरसफाइ गरिएको थियो। सरसफाइले अस्पताललाई स्वच्छ र सेवाग्राहीमैत्री बनाउन योगदान पुर्याउने सहभागीहरूले बताएका छन्।

लामो समयपछि सक्रियता

नगर अस्पताल लामो समयसम्म प्रशासन प्रमुखविहीन रहँदै आएको थियो। एक साताअघि मात्र राजु गुरुङ प्रमुखको रूपमा नियुक्त भएपछि अस्पताल व्यवस्थापन र भौतिक सुधारमा सक्रियता देखिएको हो। गुरुङले पदभार सम्हालेसँगै सरसफाइ अभियानलाई पहिलो प्राथमिकता दिएका छन्।

The post दोधारा चाँदनी नगर अस्पतालमा सरसफाइ अभियान, नयाँ प्रशासन प्रमुखको सक्रियता first appeared on Dodhara Chandani khabar.

दोधारा चाँदनी, साउन २ – दोधारा चाँदनी अस्पताल, कञ्चनपुरले आपतकालीन अवस्थामा रक्त आवश्यक पर्ने बिरामीहरूको जीवनरक्षाका लागि इच्छुक रक्तदाताहरू दर्ता गर्न आह्वान गरेको छ।

अस्पतालका अनुसार इच्छुक व्यक्तिहरूले आफ्नो नाम, सम्पर्क नम्बर, रक्त समूह र फोटो सहितको विवरण प्रशासन शाखामा बुझाउन सक्नेछन्। अस्पतालले संकलित विवरणको आधारमा आकस्मिक अवस्थामा रक्तदान गर्न सहज हुने जनाएको छ।

अस्पतालका मेडिकल सुपरिन्टेन्डेन्ट डा. जीवन किरण स्नेही आपतकालीन समयमा जीवन बचाउन रक्तदाताको सूची आवश्यक भएको भन्दै स्थानीयवासीलाई सक्रिय सहभागिताको लागि आग्रह गरेका छन्।

सम्पर्क व्यक्ति : राजु गुरुङ, प्रशासन शाखा प्रमुख (फोन नं. ९८४६१३५१४६)

The post दोधारा चाँदनी अस्पतालले इच्छुक रक्तदाता दर्ता गर्न आह्वान first appeared on Dodhara Chandani khabar.